12th Tamil - Study Material - paa nayam paarattal - illakkiya nayam paarattal - பாநயம் பாராட்டல் - +2 Tamil -

     

12 ஆம் வகுப்பு                                                                 

பாநயம் பாராட்டுக

இயல் - 5

 

                           பிறப்பினால் எவர்க்கும் -உலகில்                                                                              .                                       பெருமை  வாராதப்பா!

                          சிறப்பு வேண்டுமெனில் - நல்ல 

                                        செய்கை வேண்டுமப்பா! 

                          நன்மை செய்பவரே - உலகம் 

                                        நாடும் மேற்குலத்தார்! 

                         தின்மை செய்பவரே - அண்டித் 

                                       தீண்ட ஒண்ணாதார்!

                                                      -கவிமணி தேசிக விநாயகம் 

                              

                                                                                                       

'நல்லதைச் செய்வோம்

முன்னுரை:

            தமிழின் மீது அளவற்ற அன்பு கொண்ட கவிமணி, 'குழத்தைகள் கவிஞர்' என்று அழைக்கப்படுகின்றார்."தோட்டத்தில் மேயுது வெள்ளைப் பசு' என்ற பாடல் மூலம் குழத்தைகளால் மிகவும் நேசிக்கப்படுபவர் கவிமணி தேசிக விநாயகம் பிள்ளை அவர்கள் எழுதியுள்ள இப்பாடலின் நயங்களைக் காண்போம்.

திரண்ட கருத்து:

            பிறப்பை வைத்து யாருக்கும் இந்த உலகில் பெருமை வருவதில்லை; உலகில் சிறந்தவர்களாக இருக்க வேண்டும் என்றால்  நல்ல செயல்களைச் செய்ய வேண்டும். உலகில் மேல்குலத்தோர் என்போர் தன் வாழ்வில் நன்மை செய்பவர்களே! தீமை செய்பவர்களே இந்த உலகில் தீண்டத்தகாதவர்கள்,

மையக்கருத்து:

         நன்மை செய்தால் அவன் மேன்மையடைவான் ; தீமை செய்தால் ஒதுக்கப்படுவான். 

 சொல் நயம்;

         சிறந்த சொற்களைக் கொண்டு கவிதையை நயம்பட பாடியுள்ளார் கவிஞர். இப்பாடலில் அடைச்சொல்லையும்

அகராதிச் சொல்லையும் கவிஞர் பயன்படுத்தியுள்ளார்.

சான்றாக,

அடைச்சொல் - அண்டித்தீண்ட       

அகராதிச் சொல் - ஒண்ணாதார் =  ஒவ்வாதார்

பொருள் நயம்: 

        இவ்வுலகில் மேற்குலத்தோர், தீண்டதகாதவர் என்பது பிறப்பினால் வருவதல்ல அவரவர்களின் செய்கையால் வருகின்றது என்ற பொருளை வலியுறுத்த சிறந்த சொற்களைக் கொண்டு கவிஞர் இக்கவிதையை இயற்றியுள்ளார்.

தொடை நயம்;

      பாடலில் மோனை, எதுகை, இயைபு, முரண், அளபெடை ஆகியவற்றைக் கொண்டு தொடுப்பது தொடையாகும். மோனை நயம்:

      சீர்களிலோ, அடிகளிலோ முதலெழுத்து ஒன்றிவரத் தொடுப்பது மோனையாகும்.

சான்று :

 பிறப்பினால்     -  பெருமை ;   சிறப்பு   -செய்கை;   நன்மை -நாடும் ;  தீண்ட  -தின்மை

எதுகை நயம்:

       பாடலின் அடிதோறும் அல்லது சீர்தோறும் முதலெழுத்து அளவொத்து நிற்க இரண்டாவது எழுத்து ஒன்றி வருவது எதுகை எனப்படும். இப்பாடலில் அடி எதுகை பயின்று வந்துள்ளது.

சான்று:

பிறப்பினால்

சிறப்பு

நன்மை 

தின்மை

இயைபு நயம் : 

          ஒருசெய்யுளில் ஒன்றுக்கு மேற்பட்ட அடிகளின் இறுதி எழுத்து அல்லது இறுதிச் சொல் அல்லது ஒரே அடியில் உள்ள சீர்களின் இறுதி எழுத்துகள் ஒன்றி வந்தாலும் அஃது இயைபு எனப்படும். இப்பாடலில் அடி இயைபு பயின்று வந்துள்ளது.

சான்று:

வாராதப்பா                                                 மேற்குலத்தார்

வேண்டுமப்பா                                         ஒண்ணாதார்

முரண் நயம்:

        செய்யுளில், சொல் அல்லது பொருள் முரண்பட்டு நயம் பயக்கும் வகையில் அமைவது முரன் தொடையாகும். இப்பாடலில் இடம் பெற்றுள்ள முரண் தொடை

நன்மை x தின்மை

சந்த நயம்:

"சந்தம் தமிழுக்குச் சொந்தம்’"

         இப்பாடலை ஏற்ற இசைக் கருவிகளுடன் இசைத்துப் பாடினால், பாடுவோர்க்கும் கேட்போருக்கும் மிகுந்த இன்பத்தைத் தரும் சந்த நயங்களுடன் கவிஞர் இப்பாடலை இயற்றியுள்ளார். இப்பாடல் சிந்துப்பா வகையைச் சார்ந்தது.

அணி நயம்:

       உள்ளதை உள்ளபடியே கவிஞர் கூறுவதால் இப்பாடலில் இயல்பு நவிற்சி அணி பயின்று இப்பாடலில் வந்துள்ளது.

முடிவுரை:

      கவிமணி தேசிக விநாயகம் பிள்ளை இப்பாடலில் கவிதைக்குரிய நயங்களை எல்லாம் அமைத்து, கவி நநயங்களால் தமிழன்னைக்குப் பெருமை சேர்த்துள்ளார்.

மாணாக்கரோ

கேட்கப்பட்டிருக்கும் கேள்வியில் எத்தனை அத்தனை  நயங்கள் கேட்கப்பட்டிருக்கின்றதோஅத்தனை  நயங்களை மட்டும் எழுதினால் போதும்.

---

குருசடி எம்.ஏ.ஜெலஸ்டின்

முதுகலைத் தமிழாசிரியர்,கார்மல் மேனிலைப் பள்ளி நாகர்கோவில்-4, 9843448095

---

12th Tamil - Study Material   -  இயல் 5 - 

பா நயம்பாராட்டல் விடைக்குறிப்பு

Pdf DOWNLOAD செய்ய 👇👇👇

12th standard - Tamil

Slow learner Minimum  Study Material

pdf download : Click here

12th Standard - TAMIL -

Public Examination Tamil Model Question paper 1 - may 2022

pdf download : click here

12th Standard - TAMIL -

Public Examination Tamil Model Question paper 2 - may 2022

pdf download : click here

12th Standard - TAMIL -

Public Examination Tamil Model Question paper 3 - may 2022

pdf download : click here

12 ஆம் வகுப்பு

ஜனவரி 2022 ( REDUCED SYLLABUS)

முதல் திருப்புதல் தேர்வு - JANUARY 2022

மாதிரி வினாத்தாள்-1 : click here

மாதிரி வினாத்தாள்-2 : Click here

மாதிரி வினாத்தாள்-3 : Click Here

மாதிரி வினாத்தாள்-4 : Click Here

மாதிரி வினாத்தாள்-5 : Click Here

12 ஆம் வகுப்பு

SECOND REVISION EXAM - MARCH  2022

MODEL QUESTION PAPER 1 - ANSWER KEY 
PDF DOWNLODE                                            : CLICK HERE

SECOND REVISION EXAM - MARCH  2022

MODEL QUESTION PAPER 2 - ANSWER KEY 
PDF DOWNLODE   : click here        

Image by Erik Lyngsøe from Pixabay